Paramasastra

Paramasastra

            Ukara didhapuk saka tembung. Tembung dumadi saka wanda, lan wanda dumadi saka aksara.

Gatekna!

UKARA                     <          TEMBUNG    <          WANDA        <          AKSARA

A. Pamilahe Tembung

            Tembung bisa diudhal manut wandane lan kudu adhedhasar tembung linggane (menawa tembung andhahan).

Tuladha:

1.      Gambar           = gam-bar

2.      Gambaran        =gam-bar-an

3.      Keturon           =ke-tu-ru-an

Miturut jenise tembung jawa ana 2 :

1.      Tembung Lingga

Tembung lingga yaiku tenbung sing durung owah saka asale (kata asal). Tembung lingga sing unine mung sakecap diarani tembung wod.

Tuladha tembung lingga :

Adus, babar, kursi, tuku, turu, tandur, lsp (2 wanda)

Garudha, gamelan, segara, lsp (3 wanda)

Tuladha tembung wod :

Gas, bak, rak, sak, lur, tul, tik, lsp.

2.      Tembung Andhahan

Yaiku tembung sing owah saka asale.

Tuladha :

-          Latare                    - tetuku                        - tulisane

-          Piwulang               - omahe                       - balekna

2.1  Ater-ater (awalan)

a.       Ater-ater anuswara (awalan asal) sing awujud :

m-, n-, ng-, lan ny-

m-        +          pupus   =mupus

n-         +          tulis     = nulis

ng-       +          gawa    = nggawa

ny-       +          sikut    = nyikut

b.      Ater-ater tripurusa sing awujud : dak-, ko-, lan di-

Dak-    +          pangan = dakpangan

Ko-      +          jupuk   = kojupuk

di-       +          batin   = dibatin

c.       Ater-ater liyane sing awujud

a-         +          lungguh          = alungguh

ma-      +          lumpat            = malumpat

ka-       +          limpe              = kalimpe

ke-       +          sandhung        = kesandhung

sa-       +          gegem            = sagegem

pa-       +          lilah                = palilah

pi-        +          tutur               = pitutur

pra-      +          wira                = prawira

kami-   +          tuwa                = kamituwa

kapi-    +          lare                 = kapilare

tar-       +         waca               = tarwaca

2.2  Seselan (sisipan)

Seselan sing awujud : -am, -in, -l, lan –r.

Teka                +          -um      = tumeka

Tindak             +          -um      = tumindak

Gawa               +          -in        = ginawa

Serat                +          -in       = sinerat

Siwer               +          -l          = sliwer

Tudhung           +          -l          = tludhung

Cuwil               +          -r          = cruwil

Kelip                +          -r          = krelip

2.3  Panambang (akhiran)

Panambang sing awujud –i, -ake, -e, -ane, -ke, -a, -ana, -na, -ku, -mu, lan –en.

Teka    +          -I         = tekani

Turut   +          -ake     = turutake

Jupuk   +          -ne       = jupukne

Bapak  +          -e         = bapake

Jaluk    +          -ane     = jalukane

Kethok +          -ke       = kethoke

Sepatu +          -mu      = sepatumu

Pangan +          -an       = panganan

Sugih   +          -a         = sugiha

Jupuk   +          -en       = jupuken

3.      Tembung Rangkep (kata ulang)

Tembung rangkep yaiku skabehing tembung sing diwaca kaping pindho. Bisa sakabehing tembung utawa mung sawanda. Teembung rangkep ana telung rangkep, yaiku

3.1  Tembung dwilingga

Yaiku tembung-tembung sing diwaca kaping pindho kabeh linggane.

a. Dwilingga padha swara

- abang-abang                                      - kewan-kewan

- guru-guru                                          - bapak-bapak

b. Dwilingga salin swara

- mloka-mlaku                                     - wira-wiri

- bola-bali                                            - molak-malik

c. Dwilingga semu

- athi-athi                                             - ondhe-ondhe

- undur-undur                                      - andheng-andheng

3.2  Tembung dwipurwa

Yaiku tembung sing diwaca kaping pindho mung wanda sing ngarep.

- lelaku                        - lelumpuk                   -geguyu                       - tetuku

3.3  Tembung dwiwasana

Yaiku tembung-tembung sing diwaca kaping pindho mung wanda sing mburi.

-besisik                                                            -cekikik

-cengingis                                                        -nyuwewek

4.      Tegese Tembung camboran

Tembung camboran (kata majemuk), yaiku tembung loro utawa luwih sing dirangkep dadi siji, miturut tegese tembung camboran bisa kaperang dadi loro, yaiku

a. Camboran Tunggal

- nagasari                                                   - ulerkembang

- semarmendhem                                        - daramuluk

b. Camboran Wudhar

- gedhecilik                                                 - daramuluk

- mejatulis                                                   - larabrantha

- gadheng goring

5.      Tembung Tanduk

Tembung Tanduk yaiku tembung lingga sing ole hater-ater hanuswara (m-, n-, lan ny-). Tembung tanduk bisa kaperang dadi telung warna, yaiku :

a. Tembung Tanduk Kriya Wantah, yaiku tembung sing ora oleh panambang

- maju                                                          - ngadeg

- ndeleh                                                       - nyapu

b. Tembung Tanduk i-kriya, yaiku tembung tanduk sing oleh panambang i :

- menthungi                                                 - nulungi

- nglabuhi                                                    - nyaponi

c. Tembung Tanduk ke-kriya, yaiku tembung tanduk sing oleh panambang ke utawa ake :

- ndhudhuhake                                           - mbalangake

- nyelehake                                                 - ngalungake

6.      Tembung tanggap

Tembung tanggap yaiku tembung lingga sing ole hater-ater tripurusa (kd-, dak-, lan di-) lan seselan –in. tembung tanggap bisa kaperang dadi petang warna :

a. Tanggap tripurusa, yaiku tembung lingga sing ole ater-ater tripurusa:

- kojupuk                                                    - dibalangi

- dakpangan

b. Tanggap na, yaiku tembung lingga sing oleh seselan –in:

- sinengkakake                                            - tinubruk

- tinulis                                                        - tinemu

c. Tanggap tarung, yaiku tembung dwilingga sing oleh seselan –in tripurusa:

- serat-sinerat                                              - sawang-sinawang

- cokot-cinokot                                           - tulung-tinulung

d. TAnggap ka, yaiku tembung lingga sing ole hater-ater ka- kanthi teges dijarak:

- kaobong                                                    - kagendhong

- kapangan                                                  - katulis

7.      Tembung Ayahan

Ayahane tembung utawa lungguhing tembung ing basa Indonesia diarani “jabatan kalimat”. Ngudhal ukara, manut ayahane tembung ateges nggoleki perangane ukara sing diarani jejer, wasesa, lesan, lan katrangan.

Tuladha:

Didi tuku sepatu esuk mau.

Didi                        :           jejer

Tuku                      :           wasesa

Sepatu                   :           lesan

Esuk mau               :           katrangan

Warna-warnane katrangan yaiku :

1. katrangan wayah : esuk, sore, saiki, bengi, lsp

2. katrangan cacah : lima, sethithik, akeh, arang, lsp

3. katrangan papan/panggonan : ing dhuwur kursi, ing lapa angan, pinggir, jero buku, lsp.

4. katrangan ukur : abot, gedhe, cedhak, dawa, lsp.

5. katrangan sebab : jalaran lunga, amarga lara, amarga isih cilik, lsp.

6. katrangan maksud/ancas :  supaya resik, supaya padhang, kareben waras, dimenrampung, lsp.

7. katrangan kahanan : reged, kasar, lurus, resik, lsp.

B. Silah-silahing Tembung (jenis kata)

Miturut golonganing tembung ana 10 warna :

1. Tembung Aran (Kata Benda)

Contone :    -meja                                       - lemari

                   -kursi                                       - radio, lsp.

2. Tembung Kriya (Kata Kerja)

Contone :    -nulis                                       -mangan

                   -maca                                       -ngombe

                   -nyapu                                     -mlayu, lsp.

3. Tembung Ganti (Kata Ganti)

Contone :    -aku                                         -ku

                   -kowe                                      -dheweke, lsp.

4. Tembung Wilangan (Kata Bilangan)

Contone :    -telu                                         -siji

                   -setengah                                 -akeh, lsp.

5. Tembung Sipat/Kahanan (Kata Sifat)

Contone :    -bagus                                      -apik

                   -susah                                      -seneng, lsp.

6. Tembung Katrangan (Kata Keterangan)

Contone :    -tengah                                                -ndhuwur

                   -kene                                       -wetan, lsp.

7. Tembung seru/Panggwuh (Kata Seru)

Contone :    -wah                                        -tulung

                   -aduh                                       -eh, lsp.

8. Tembung Sandhangan (Kata Sandang)

Contone :    -sang                                        -Raden

                   -hyang                                     -kyai, lsp.

9. Tembung Panyambung (Kata Sambung)

Contone :    -sarta                                       -wusana

                   -lan                                          -mulane, lsp.

10. Tembung Pangarep (Kata depan)

Contone :    -ing                                          -sing

                   -saka                                        -menyang, lsp.

C. Silah-Silahing Ukara

            Silah-silahing ukara sing perlu diweruhi ana 6 warna, yaiku :

1. Ukara Kandha (Kalimat Langsung)

Yaiku ukara sing ngandhakake omongan liyang kanthi persis.

Contone :

-          Bapak ngendika, “Sesuk aku menyang Solo”.

-          “kowe kudu sing sregep sinau” dhawuhe ibu.

2. Ukara Crita (Kalimat Tak Langsung)
Yaiku ukara sing nyritakake omongan liyan mung sarine/ringkese bae.
Contone :
- Tini takon, kena apa aku wingi ora mlebu sekolah.
- Ngendikane guru, yen sregep sinau mesthi pinter.

3. Ukara Tindak/Tanduk (Kalimat Aktif)
Yaiku ukara sing jejere nindakake pegawean.
Contone :
- Ibu mundhut jajan kanggo tukang.
- Rudi ngundhuh jambu.

4. Ukara Tanggap (Kalimat Pasif)
Yaiku ukara sing jejere dikenani pagawean.
Contone :
- Sarunge dikrikiti tikus.
- Jajane dirubung semut.

5. Ukara Pakon (Kalimat Perintah)
Contone :
- Jupukna tasku ing dhuwur kursi kuwi.
- Balekna buku iki menyang omahe Budi.

6. Ukara Panjaluk (Kalimat Permohonan)
Contone :
- Coba kowe mreneya dak kandhani.
- Tulung aku penekna blimbing kuwi.

Katrangan :
Ukara kandha bisa didadekake ukara crita, lan ukara crita uga bisa didadekake ukara kandha.
Miturut medharake gagasan, ukara bisa daperang dadi 2 warna :

1. Ukara Lamba (Kalimat Tunggal)
Yaiku ukara sing nedharake gagasan mung siji.
Tuladha :
- Adhik tuku buku
- Tono nunggang kebo

2. Ukara Camboran (Kalimat Majemuk)
Yaiku ukara sing medharakeasan luwih saka siji. Ukara camboran iku rangkepane ukara lamba.
Tuladha :
- Didi cethil nanging mbak Yone loma.
- Danu munggah kelas amarga sregep anggone sinau.