TEMBANG

Tembang jawa ana telung warna :

a. Tembang Macapat

b. Tembang Tengahan

c. Tembang Gedhe

1.       Tembang Macapat ana 11 pupuh :
a. Asmaradana                                  g. Megatruh
b. Dhandhanggula                           h. Mijil
c. Durma                                              i. Pangkur
d. Gambuh                                         j. Pocung
e. Kinanthi                                          k. Sinom
f. Maskumambang

2.       Tembang Tengahan
a. Balabak
b. Girisa
c. Jurudemung
d. Wirangrong

3.       Tembang Gedhe
a. Citramengeng
b. Kusumastuti
c. Mintajiwa
d. Pamularsih

Ing tembang jawa saben sakbaris diarani sak gatra :

-          Dhandhanggula ana 10 gatra (baris)

-          Kinanthi ana 6 gatra (baris)

-          Pangkur ana 7 gatra (baris)

-          Gambuh ana 5 gatra (baris)

-          Megatruh ana 5 gatra (baris)

-          Sinom ana 9 gatra (baris)

Guru wilangan lan Guru lagu :

a. Guru Wilangan : akehing kecap (ucap) utawa suku tembung saben sagatra (baris)

b. Guru Lagu : Aksara urip (vokal) ing pungkasaning gatra (baris) 

Tuladha :

Kinanthi                                               guru wilangan             guru lagu

Anoman malumpat sampun                     = 8 wanda                       = u

Prapteng witing nagasari                        = 8 wanda                       = i

Mulat mangandhap katingal                    = 8 wanda                       = a

Wanodya yu kuru aking                          = 8 wanda                       = i

Gelung rusak wor lan kisma                    = 8 wanda                       = a

Kang iga-iga kaeksi                                = 8 wanda                       = i

Dhandhanggula

Dhuh kusuma ingkang milangoni
Buron arum ingkang sobeng wana
Yen panggih sun arasane
Sumber gung ngisor gunung
Wreksa langking sisaning agni
Sun sandhang pinarenga nedya amemanuh
Wit saking tresnaning mana
Suryo ratri wong kuning sun kawulani
Sun adhep saben dina

Sinom

Sun iki dutaning nata
Prabu Kenya majapahit
Kekasih dammar sasangka
Atma mantune ki patih
Magang anyar awak mami
Lahta bisma praptaningsun
Ingutus Sang Narpendah
Kinen mocok murdantaji
Marmaningsun ingutus ywa mindho karya

Gambuh

Sekar gambuh ping catur
Kang cinatur polah kang kalantur
Tanpa tutur katula-tula katali
Kadulu warsa kapatuh
Katutuh pan dadi awon

Pangkur

Mingkar-mingkuring angkara
Akarana karenan mardi siwi
Sinawung resmining kidung
 Sinuba sinukarta
Mrih ketata pakartining ngelmu luhung
Kang tumrap neng tanah jawa
Agama ageing aji